Muuttâsooccâmproseʹss

Jõs ǩiõččak, što tuu leät vuõiggâdvuõđtaa kuõđđum vaal-loǥstõõǥǥâst, vuäǯǯak õõlǥted vaal-loǥstõõǥǥ kuõskki tuʹmmstõʹǩǩe vuõiǥõõzz vaal-luʹvddkååʹddest (lääʹǩǩ sääʹmteeʹǧǧest 414/2025 26 §). Vaal-luʹvddkådda čuäʹjtum vuõiǥeemõõlǥtummuš âlgg tååimted 14 peeiʹv määʹttest vaal-loǥstõõǥǥ vueiʹnnemnalla åårrmõõžž kuõskki ääiʹj puuttmõõžžâst.

Vaal-loǥstõõǥǥ šõõddeen vueiʹnnemnalla vaal-luʹvddkåʹdd iʹlmmat vuõiǥeemõõlǥtummuž tååimtummuž mieʹrrääiʹj.

Jõs vaal-luʹvddkådda tååimtem vuõiǥeemõõlǥtummuš lij puättam mieʹrrääiʹjest muuttâsooccâmluʹvddkådda, vuõiǥeemõõlǥtummuš ǩiõttʼtõõlât. Muuttâsooccâmluʹvddkååʹdd âlgg mââʹjeeǩani tååimted vuõiǥeemõõlǥtummuš vaal-luʹvddkådda.

Jõs vaal-luʹvddkåʹdd tuʹmmai, što tuu vääʹldet vuõiǥeemõõlǥtummuž vuâđald vaal-loǥstõʹǩǩe, vaal-luʹvddkåʹdd vuõlttad tuʹnne mââʹjeeǩani jiõnnvuõiggâdvuõttniiʹǩǩid jurddum iʹlmmtõskoort.

Muuttâsooccmõõžž vuõiǥeemõõlǥtummuž kuõskki tuʹmmstõʹǩǩe šiõtteet Sääʹmteeʹǧǧest uvddum lääʹjj (414/2025) 41 l §:st.

Muuttâsooccâmluʹvddkåʹdd tåimm vuõssmõs muuttâsooccâmtääʹssen vuõiǥeemõõlǥtummuž kuõskki tuʹmmstõõǥǥin. Sääʹmteeʹǧǧ õhttvuõđâst tåimmai muuttâsooccâmluʹvddkåʹdd lij jiõččnaž da čõnnõõttʼteʹmes tåimmorgaan. Tõn tåimmjummšest šiõtteet tääʹrǩben Sääʹmteeʹǧǧest uvddum lääʹjj (414/2025) 5 lååǥǥast.

Muuttâsooccâmluʹvddkådda čuäʹjtum läittmõš âlgg tååimted vaal-luʹvddkådda 14 peeiʹv määʹttest vaal-luʹvddkåʹdd vuõiǥeemõõlǥtummuž diõtt tuejjuum tuʹmmstõõǥǥ teâttanvuäǯǯmõõžžâst.

Vaal-luʹvddkååʹdd âlgg mââʹjeeǩani tååimted läittmõš, ääʹšš kuõskki äʹššǩeeʹrj da ciâlkâlm läittmõõžžâst muuttâsooccâmluʹvddkååʹddest.

Muuttâsooccâmluʹvddkååʹdd âlgg ǩiõttʼtõõllâd läittmõš ǩirrliʹžžen.

Muuttâsooccâmluʹvddkååʹdd tuʹmmstõʹǩǩe vuäǯǯ ooccâd muttâz lääiteeʹl ââʹlmõs vaaldšemvuõiggsa, jõs ââʹlmõs vaaldšemvuõiǥâs meâtt läittamlååʹv.