Nuppástusohcanproseassa

Jos oainnát, ahte leat vuoigatvuođaheamet guđđojuvvon eret válgalogahallamis, oaččut gáibidit válgalogahallamii guoski mearrádussii vuigema válgalávdegottis (láhka Sámedikkis 414/2025 26 §). Válgalávdegoddái čujuhuvvon vuigengáibádus galgá doaimmahuvvot válgalávdegoddái 14 beaivvi siste válgalogahallama albmosisdoallanáiggi nohkama maŋŋá.

Go válgalogahallan boahtá albmosii, válgalávdegoddi almmuha vuigengáibádusa doaimmaheami mearreáiggi.

Jos válgalávdegoddái doaimmahuvvon vuigengáibádus lea ollen mearreáigái nuppástusohcanlavdegoddái, vuigengáibádus gieđahallojuvvo. Nuppástusohcanlavdegoddi galgá farggamusat doaimmahit vuigengáibádusa válgalavdegoddái.

Jos válgalávdegoddi mearrida, ahte don váldojuvvot vuigengáibádusa vuođul válgalogahallamii, válgalávdegoddi sádde dutnje farggamusat jietnavuoigadahtton olbmuide dárkkuhuvvon almmuhankoartta.

Nuppástusohcama birra vuigengáibádusa guoski mearrádussii ásahuvvo Sámedikkis addojuvvon lága (414/2025) 41 l §:s.

Nuppástusohcanlávdegoddi doaibmá vuosttas nuppástusohcandássin vuigengáibádusa guoski mearrádusain. Sámedikki oktavuođas doaibmi nuppástusohcanlávdegoddi lea iehčanas ja sorjjasmeahttun doaibmaorgána. Dan doaimmas ásahuvvo dárkileappot Sámediggelágas addojuvvon lága (414/2025) 5 logus.

Nuppástusohcanlávdegoddái čujuhuvvon váidaga galgá doaimmahit válgalávdegoddái 14 beaivve siste válgalávdegotti vuigengáibádusa dihte dahkkojuvvon mearrádusa diehtunoažžumis.

Válgalávdegoddi galgá farggamusat doaimmahit váidaga, ášši guoski áššebáhpáriid ja iežas cealkámuša váidagis nuppástusohcanlávdegoddái.

Nuppástusohcanlávdegoddi galgá gieđahallat váidaga hohpolaččat.

Nuppástusohcanlávdegotti mearrádussii oažžu ohcat nuppástusa váidalemiin alimus hálddahusriektái, jos alimus hálddahusriekti mieđiha váidalanlobi.