Iʹlmmtõs jiõnnvuõiggâdvuõđâst

Juõʹǩǩ jiõnnvuõiggâdvuõttnekka vuõltteet iʹlmmtõs jiõnnvuõiggâdvuõđâst leʹbe iʹlmmtõskortt. Koortâst liâ jiõnnvuõiggâdvuõttneeʹǩǩest vaal-loǥstõʹǩǩe valddum teâđ, vaal-loǥstõõǥǥ vueiʹnnemnalla ââʹnnemäiʹǧǧ da -pääiʹǩ, vaalin jiõnstummuš di vaalpeiʹvv da Sääʹmteeʹǧǧest uvddum lääʹjj (414/2025) 31 a §:st šiõttuum vuõiggâdvuõtt jiõnsted vaalpeiʹvven da vaal-luʹvddkååʹdd addrõs.

Iʹlmmtemkortt vuõltteet, ǥu vaal-luʹvddkåʹdd lij raavääm vaal-loǥstõõǥǥ leʹbe vaaleeʹjj aalǥâst, kuuitâǥ šiõǥǥ aaiʹjin ooudbeäʹlnn vaal-loǥstõõǥǥ vueiʹnnemnalla âânnmõõžž. Iʹlmmtõskortt vuõltteet juõʹǩǩ jiõnnvuõiggâdvuõttnekka, koon addrõs lij teâđast.