Ooʒʒõõttmõš vaal-loǥstõʹǩǩe da tõʹst meädda ǩeässõõttmõš

Jõs haaʹlääk ooʒʒõõttâd vaal-loǥstõʹǩǩe, feʹrttai tuʹst tiuddeed ooccâmlomakk. Ooʒʒõõttâmlomakk 2027 vaal-loǥstõʹǩǩe lij tiuddeemnalla liâđǥlânji leʹbe priʹnttjemnalla pdf-lomakkân. Ooccâmlomakk âlgg tiuddeed vaal-luʹvddkååʹdd konttra nuʹt, što tõt lij konttrest mââimõõzzâst 30.9.2026. Vääʹld lokku tät jeäʹrben ǥu pååʹštʼtak lomaakk.

Ooccâmlomaakkâst kõõjjât ooʒʒõõtti õhttvuõđteâđaid, âânak-a jiijjad säʹmmliʹžžen di vuâđđtõõllmõõžžid vaal-loǥstõʹǩǩe lââʹzztummuž õõudldõõzzid. Täin juuʹrdet teâđaid jiijjad, puärrsi, maaddârpuärrsi da/leʹbe maaddârääʹjj leʹbe maaddârääkk vuõššân mättjum ǩiõlâst da/leʹbe ruåttvuõttkõskkvuõđin.

Jõs liâđǥlaž lomaakk meâlddõsteâttõõzzi tååimtõõzzâst liâ vaiggâdvuõđ, vääʹld õhttvuõđ Vaal-luʹvddkååʹdd konttra. Vuäitak tååimted tõid suõjjuum neʹttpååʹšt mieʹldd leʹbe põʹmmjen.

Tuʹst jeät õõlǥât ođđ ooccâmlomaakk teâuddmõõžž, jõs leäk leämmaž miõrkkumnalla vaal-loǥstõʹǩǩe eeʹjj 2024 sääʹmteʹǧǧvaaʹlin. Tuu vääʹldet täʹl vaal-loǥstõʹǩǩe ooccmõõžžtaa, jõs teâudak viõǥǥâst åårrai lääʹjjest šiõttuum vaal-loǥstõʹǩǩe meârkkmõõžž õudldõõzzid. Vaal-luʹvddkåʹdd räukk tuʹst taarbšeen lââʹss-čiõlǥtõõzz.

Vaal-loǥstõõǥǥâst vuäitak haaʹleen ǩeässõõttâd iʹlmmteeʹl vaal-luʹvddkådda, što jiõk teänab haaʹled šõddâd miõrkkumnalla vaal-loǥstõʹǩǩe.