Sääʹmteʹǧǧvaali tååimtummuš
Sääʹmteeʹǧǧ vuäzzla vaʹlljeet juõʹǩǩ neelljad eeʹjj ââʹnnem personvaalân, koid Sääʹmteeʹǧǧ vaal-luʹvddkåʹdd tååimat.
Jiõnnvuõiggâdvuõttneǩ vuäitt jiõnsted sääʹmteʹǧǧvaalin õõutin looǥǥtõllum naaʹlin:
-
Jiõnstummuš pååʹšt mieʹldd
Tät miârkat, što jiõnnvuõiggâdvuõttneǩ vuõlttad vaaläʹššǩiiʹrjid seʹst õõʹnni sättkonfeârt pååʹšt mieʹldd vaal-luʹvddkådda. Vaal-luʹvddkååʹdd mähss vuõlttõõzz Lääʹddjânnam seʹst.
Looǥǥ lââʹzz: Jiõnsteeʹjid: Jiõnstemvuäppõs
-
Jiõnstummuš tååimteeʹl vaaläʹššǩiiʹrjid muđoi ǥu pååʹšt mieʹldd
Täin juuʹrdet, što jiõnnvuõiggâdvuõttneǩ leʹbe suu vääʹldvuäǯǯam ooumaž pohtt vaaläʹššǩiiʹrjid seʹst õõʹnni sättkonfeârt vaal-luʹvddkådda. Vaal-luʹvddkåʹdd vuäitt väʹldded vuâstta vaaläʹššǩiiʹrjid vaal-luʹvddkååʹdd konttrest leʹbe jeeʹres iʹlmmtem pääiʹǩest, ouddmiârkkân vaalaautâst. Lââʹssen vaalpeiʹvven vaaläʹššǩeeʹrjes vuäitt puʹhtted jiõnstempäikka.
Looǥǥ lââʹzz: Jiõnsteeʹjid: Jiõnstemvuäppõs
-
Jiõnstummuš vaalpeiʹvven
Vaalpeiʹvven jiõnnvuõiggâdvuõttneǩ vuäǯǯ jiõnsted dommkååʹddstes, jõs tõt lij sääʹm dommvuuʹdest. Juõʹǩǩ dommvuuʹd kååʹddest lij uuʹccmõsân õhtt jiõnstempäiʹǩǩ. Jiõnstempääiʹǩ iʹlmmtet jiõnsteeja vuõlttuum iʹlmmtõskoortâst di vaaläʹššǩiiʹrjin.
Looǥǥ lââʹzz: Jiõnsteeʹjid: Jiõnstemvuäppõs
-
Jiõnstummuš dååma leʹbe håiddpääiʹǩest
Jõs jiõnnvuõiggâdvuõttneǩ ij vuäitči jiõnsted mååžnteʹmes vaiggâdvuõđitaa jeeʹresnalla, vuäǯǯ son jiõnsted dååma leʹbe håiddpääiʹǩstes, jõs tõt lij sääʹm dommvuuʹdest.
Looǥǥ lââʹzz: Jiõnsteeʹjid: Jiõnstemvuäppõs