Eeʹttǩeeʹj šiõttummuš

Vaal-luʹvddkåʹdd teâđat, ǥu eeʹttǩeeʹjjšiõttʼtõõllmõš älgg. Nääiʹt õlmstââʹttet eeʹttǩeeʹjjšiõttʼtõõllâmlomakk di eeʹttǩeeʹjen šiõttʼtõõllmõõžž äiʹǧǧtaull.

Jõs haaʹlääk eeʹttǩeeʹjen, tuu eeʹttǩeeʹjjvuõđ kaʹnnteeʹjin feʹrttai vuâđđeed vaʹlljeemõhttõs. Vaʹlljeemõhttõõzz vuâđđummša taarbšet uuʹccmõsân kolmm jiõnnvuõiggâdvuõttneeʹǩǩ. Vaʹlljeemõhttõõzzâst âlgg leeʹd äʹššooumaž da väärräʹššooumaž.

Jiõnnvuõiggâdvuõttneǩ vuäǯǯ vuässõõttâd tåʹlǩ õõut eeʹttǩeeʹj šiõttummša. Jõs jiõnnvuõiggâdvuõttneǩ kooll kuõʹhtte leʹbe määŋg vaʹlljeemõhttõʹsse, vaal-luʹvddkååʹddest feʹrttai väʹldded meädda suu nõõmâs tõin pukin.

Eeʹttǩeeʹj šiõttummuž vääras vaal-luʹvddkåʹdd õlmstâtt eeʹttǩeeʹjjšiõttʼtõõllâmlomaakk, ǥu eeʹttǩeeʹjjšiõttʼtõõllmõš älgg. Lomaʹǩǩe âʹlǧǧe teâudded eeʹttǩeeʹj da vaʹlljeemõhttõõzz vuäzzlai teâđ. Eeʹttǩeeʹj kåʹdd meäʹrtââvv tõn mieʹldd, mii lij suu dommkåʹdd eeʹttǩeeʹjen šiõttummuž mieʹrrääiʹj puuʹđeen. Vaʹlljeemõhttõõzz ij taarbâž vuâđđeed jeeʹrab tåʹlǩ eeʹttǩeeʹjjšiõttʼtõõllâmlomaakk teâuddmõš riʹjttai tääzz.

Vaʹlljeemõhttõõzz âlgg tuejjeed eeʹttǩeeʹjjooccmõš vaal-luʹvddkådda mââimõõzzâst 31 peeiʹv da eeʹttǩeeʹjjooccmõõžž tiuddummuž âʹlǧǧe tuejjeed 27 peeiʹv ooudbeäʹlnn vaaltååimtååimtõõzz alttummuž.

Vaal-luʹvddkååʹdd âlgg raajjâd eeʹttǩeeʹjjloǥstõk mââimõõzzâst 21 peeiʹv ouddâl vaaltååimtõõzz alttummuž. Eeʹttǩeeʹjjloǥstõk âlgg õlmstâʹtted, vuõltteed vaaläʹššooumže da ââʹnned vaali ääiʹj vueiʹnnemnalla.

Vaal-luʹvddkååʹdd tuʹmmstõʹǩǩe eeʹttǩeeʹjjloǥstõõǥǥâst ij vuäǯǯ ooccâd jeeʹrab muttâz.