Evttohasa ásaheapmi

Válgalávdegoddi addá dieđu, go evttohasásaheapmi álgá. Dalle almmustahttojuvvo evttohasásahanskovvi ja evttohassan álgima áigeplána.

Jos háliidat evttohassan, du evttohasvuođa guottiheaddji olbmot fertejit vuođđudit válljenovttastusa. Válljenovttastusa vuođđudeami várás dárbbašuvvojit unnimustá golbma jietnavuoigadahtton olbmo. Válljenovttastusain galgá leat áššeolmmoš ja várreáššeolmmoš.

Jietnavuoigadahtton olmmoš oažžu oassálastit dušše ovtta evttohasa ásaheapmái. Jos jietnavuoigadahtton olmmoš gullá guovtti dahje máŋgga válljenovttastussii, válgalávdegoddi galgá váldit eret su nama buot dain.

Evttohasa ásaheami várás válgalávdegoddi almmustahttá evttohasásahanskovi, go evttohasásaheapmi álgá. Skovvái galgá deavdit evttohasa ja válljenovttastusa lahtuid dieđuid. Evttohasa gielda mearriduvvo dan mielde, mii lea su ruoktogielda evttohassan ásaheami mearreáiggi nohkama áigge. Válljenovttastusa ii dárbbaš vuođđudit sierra, muhto evttohasásahanskovi deavdin lea doarvái dása.

Válljenovttastus galgá bargat evttohasohcamuša válgalávdegoddái maŋimustá 31 beaivvi ja evttohasohcamuša dievasmahttimiid galgá bargat maŋimustá 27 beaivvi ovdal válgadoaimmahusa álggaheami.

Válgalávdegoddi galgá ráhkadit evttohaslogahallama maŋimustá 21 beaivvi ovdal válgadoaimmahusa álggaheami. Evttohaslogahallama galgá almmustahttit, sáddet válgaáššeolbmuide ja doallat válggaid áigge albmosis.

Válgalávdegotti mearrádussii evttohaslogahallamis ii oaččo ohcat sierra nuppástusa.