Sámediggeválggaid doaimmaheapmi
Sámedikki lahtut válljejuvvojit juohke njealját jagi dollojuvvon personválggaiguin, maid Sámedikki válgalávdegoddi doaimmaha.
Jietnavuoigadahtton olmmoš sáhttá jienastit sámediggeválggain ovtta vugiin dain:
-
Jienasteapmi poastta bokte
Dat mearkkaša, ahte jietnavuoigadahtton olmmoš sádde válgaáššebáhpáriid oktan sáddenkonfaluhtain poastta mielde válgalávdegotti doaimmahahkii. Válgalávdegoddi máksá sáddaga Suoma siste.
Loga eanet: Jienasteaddjái: Jienastanráva
-
Jienasteapmi nu, ahte válgaáššebáhpárat doaimmahuvvojit eará láhkai go poastta bokte
Dát mearkkaša, ahte jietnavuoigadahtton olmmoš dahje olmmoš, gean son lea fápmudan, buktá válgaáššebáhpáriid sisttisdoalli sáddenkonfaluhta válgalávdegoddái. Válgalávdegoddi sáhttá váldit vuostá válgaáššebáhpáriid válgalávdegotti doaimmahagas dahje eará báikkis, man dat lea almmuhan, ovdamearkka dihte válgabiillas. Dasa lassin válgabeaivve iežas válgaáššebáhpáriid sáhttá buktit jienastanbáikái.
Loga eanet: Jienasteaddjái: Jienastanráva
-
Jienasteapmi válgabeaivve
Válgabeaivve jietnavuoigadahtton olmmoš oažžu jienastit iežas ruoktogielddas, jos dat lea sámiid ruovttuguovllus. Ruovttuguovllu juohke gielddas lea uhcimustá okta jienastanbáiki. Jienastanbáikkit almmuhuvvojit jienasteaddjái sáddejuvvon almmuhankoarttas ja maid válgaáššebáhpáriin.
Loga eanet: Jienasteaddjái: Jienastanráva
-
Jienasteapmi ruovttus dahje dikšobáikkis
Jos jietnavuoigadahtton olmmoš ii sáhtáše jienastit almmá badjelmearálaš váttisvuođaid haga earáláhkai, oažžu son jienastit iežas ruovttus dahje dikšunbáikkis, jos dat lea sámiid ruovttuguovllus.
Loga eanet: Jienasteaddjái: Jienastanráva