Jienastanvuoigatvuohta

Sáhtát jienastit sámediggeválggain, jos leat merkejuvvon Sámedikki válgalogahallamii.

Jagi 2024 válggain Sámedikki válgalogahallamii merkejuvvon olbmo válgalogahallamii merkema eaktu gieđahallojuvvo almmá sierra ohcamuša haga. Don váldojuvvot válgalogahallamii ohcamuša haga, jos deavddát fámolaš lágas ásahuvvon merkema eavttu vuosttas ohppojuvvon gielas (láhka Sámedikkis 414/2025 3 § 1 čuokkis).

Jos don it vel gula válgalogahallamii, de eaktun jietnavuoigatvuođa geavaheapmái čuovvovaš sámediggeválggain lea, ahte barggat ohcamuša válgalogahallamii maŋimustá válgajagi ovddit čakčamánu loahpa rádjái. Válgalávdegoddi gieđahallá du ohcamuša ja merke du válgalogahallamii, jos deavddát válgalogahallamii merkema eavttuid.

Dus lea vuoigatvuohta merkejuvvot jagi 2027 válgalogahallamii, jos don anát iežat sápmelažžan, nu ahte don dahje goit okta du vánhemiin, áhkuin dahje ádjáin, dahje sin vánhemiin lea oahppan sámegiela vuosttas giellan (láhka sámedikkis 414/2025 3 § 1 čuokkis).

Don galggat laktit iežat ohcamuššii luohtehahtti čilgehusa Sámedikkis addojuvvon lága (414/2025) 3 § 1 čuoggás dárkkuhuvvon sámegiela oahppamis vuosttas giellan (vuoigatvuohtaministeriija ásahus meannudeamis, miičuvvojuvvo Sámedikki válggain 965/2006).

Sámedikki válgalogahallamii merkema eaktun lea dasa lassin dievasahki ja Suoma riikkavulošvuohta dahje ruoktogielda Suomas, jos leat olgoriikka riikkavuloš.

Jagi 2027 sámediggeválggaid maŋŋá dus lea riekti merkejuvvot čuovvovaš sámediggeválggaid válgalogahallamiidda maiddái dalle, jos don anát iežat sápmelažžan ja unnimustá okta du váhnemiin lea merkejuvvon dahje lea leamaš merkejuvvon jietnavuoigadahtton olmmožin 1.1.2027 dahje dan maŋŋá lágiduvvon Sámedikki válggain (láhka Sámedikkis 414/2025 3 § 2 čuokkis).

Don galggat duođaštit fuolkevuođa iežat jietnavuoigadahtton vánhemii  ovdamearkka dihte virgeduođaštusain. Dárkilut rávvagat almmuhuvvojit go vuoigatvuohtaministeriija ásahus Sámedikki válggain čuovvunvuloš meannudeamis (965/2006) lea ođasmahttojuvvon.