Almmuhus jienastanvuoigatvuođas

Juohke jietnavuoigadahtton olbmui sáddejuvvo almmuhus jienastanvuoigatvuođas dahjege almmuhankoarta. Koarttas leat jietnavuoigadahtton olbmos válgalogahallamii váldojuvvon dieđut, válgalogahallama albmosisdoallanáigi ja -báikkit, válggain jienasteapmi ja válgabeaivi ja Sámedikkis addojuvvon lága (414/2025) 31 a §:s ásahuvvon vuoigatvuohta jienastit válgabeaivve ja válgalávdegotti čujuhus.

Almmuhankoarta sáddejuvvo, go válgalávdegoddi lea nannen válgalogahallama dahjege válgajagi álggus, goittotge áiggil ovdal válgalogahallama albmosisdoallama. Almmuhankoarta sáddejuvvo juohke jietnavuoigadahtton olbmui, gean adreassa lea dieđus.