Ohcan válgalogahallamii ja das eret vuolgin

Jos háliidat ohcat válgalogahallamii, de fertet deavdit ohcanskovi.

Ohcanskovi jagi 2027 válgalogahallamii sáhttá deavdit elektrovnnalaččat dahje pdf-skovvin, man sáhttá čálihit olggos. Ohcanskovi galgá deavdit ja doaimmahit válgalávdegotti doaimmahahkii nu, ahte dat olle dohko maŋimustá 30.9.2026.

Elektrovnnalaš skovvi galgá leat elektrovnnalaččat vuolláičállon maŋimustá mearrebeaivvi dii. 23.59. Báberskovvi galgá leat doaimmahuvvon válgalávdegotti doaimmahahkii dahje poastakássii, mii lea Sajosa vuolleváldofeaskáris, maŋimustá mearrebeaivvi dii. 16.15, goas doaimmahat manná gitta. Váldde earenomážit dán vuhtii go postet skovi.

Ohcanskovis jerrojuvvojit ohcci oktavuohtadieđut, atnágo iežas sápmelažžan ja vuođustusat válgalogahallamii lasiheami eavttuide.

Váldde oktavuođa válgalávdegotti doaimmahahkii, jos leat váttisvuođat elektrovnnalaš skovi čuvvosiid doaimmaheamis. Sáhtát doaimmahit daid dorvopoasttain dahje bábirhámis.

Don it dárbbaš deavdit ođđa ohcanskovi, jos leat leamaš merkejuvvon válgalogahallamii jagi 2024 sámediggeválggain. Don váldojuvvot dalle válgalogahallamii almmá ohcamuša haga, jos deavddát fámolaš lágas ásahuvvon válgalogahallamii merkema eavttuid. Válgalávdegoddi bivdá dus dárbbu mielde lassičilgehusa.

Válgalogahallamis sáhtát, jos háliidat, dieđihit iežat eret válgalávdegoddái, ahte it šat háliit merkejuvvot válgalogahallamii.