Válggain váidaleapmi

Jos jietnavuoigadahtton olmmoš oaidná, ahte válggaid bohtosa nannema guoski válgalávdegotti doaibmabidju dahje mearrádus lea lága vuostá, son sáhttá dahkat vuigengáibádusa Sámedikki stivrii. Vuigengáibádusa galgá bargat maŋimustá 14 beaivve geažes dan beaivvis, go válgalávdegoddi lea nannen válgabohtosa.

Sámedikki stivra galgá gieđahallat vuigengáibádusa hohpolaččat ja maŋimustá ovdal válgajagi loahpa.

Sámedikki stivrra mearrádussii sáhttá ohcat nuppástusa váidalemiin alimus hálddahusriektái maŋimustá 14 beaivve geažes dan beaivvis, go áššeoapmahaš lea ožžon Sámedikki stivrra mearrádusa diehtun. Nuppástusohcamis čuovvut muđui, mii riektegeavvamis hálddahusáššiin addojuvvon lágas ásahuvvo.

Jos válgalávdegotti mearrádus dahje doaibmabidju lea leamaš lága vuostá ja dát lea váikkuhan válggaid bohtosii, válggaid bohtosa galgá njulget ja stáhtaráđđi galgá dárbbu mielde mearridit Sámedikki lahtuid ja várrelahtuid válggaid njulgejuvvon bohtosa mielde.

Jos válggaid bohtosa ii sáhte njulget, válggaid galgá mearridit ordnejuvvot ođđasit.