Sämitiggevaaljâi toimâttem

Sämitige jesâneh väljejuvvojeh jyehi niäljád ive toollâmnáál persovnvaljâiguin, maid Sämitige valjâlävdikodde tooimât.

Jienâstemvuoigâdvuođâlâš puáhtá jienâstiđ sämitiggevaaljâin ovttáin tain vuovvijn:

  • Jienâstem poostâ peht

    Taat uáivild, ete jienâstemvuoigâdvuođâlâš vuolgât valjâäššikiirjijd vuolgâttâskooveert siste poostâ peht valjâlävdikoodán. Valjâlävdikodde máksá vuolgâttem Suomâ siste.

    Luuvâ lase: Jienâsteijei: Jienâstemraavâ

  • Jienâstem tooimâtmáin valjâäššikiirjijd eres vuovvijn ko poostâ peht

    Taat uáivild, ete jienâstemvuoigâdvuođâlâš tâi suu váldásmittem olmooš puáhtá valjâäššikiirjijd vuolgâttâskooveert siste valjâlävdikoodán. Valjâlävdikodde puáhtá väldiđ vuástá valjâäššikiirjijd valjâlävdikode toimâttuvâst tâi eres ton almottem saajeest, ovdâmerkkân valjâautost. Lasseen valjâpeeivi jieijâs valjâäššikiirjijd puáhtá pyehtiđ jienâstemsajan.

    Luuvâ lase: Jienâsteijei: Jienâstemraavâ

     

     

  • Jienâstem valjâpeeivi

    Valjâpeeivi jienâstemvuoigâdvuođâlâš uážžu jienâstiđ jieijâs päikkikieldâst, jis tot lii sämmilij päikkikuávlust. Päikkikuávlu jyehi kieldâst lii ucemustáá ohtâ jienâstemsaje. Jienâstemsajeh almottuvvojeh jienâsteijei vuolgâttum almottâskoortâst já valjâäššikiirjijn.

    Luuvâ lase: Jienâsteijei: Jienâstemraavâ

     

     

     

  • Jienâstem pääihist tâi tipšosaajeest

    Jis jienâstemvuoigâdvuođâlâš ij pastaččii jienâstiđ epikuáhtulij vaigâdvuođâittáá eres vuovvijn, sun uážžu jienâstiđ päihistis tâi tipšosajestis, jis tot lii sämmilij päikkikuávlust.

    Luuvâ lase: Jienâsteijei: Jienâstemraavâ