Ucâlum valjâluvâttâlmân já tast vyelgim

Jis tun halijdah ucâluđ valjâluvâttâlmân, tun koolgah tevdiđ uuccâmluámáttuv.

Uuccâmluámáttuv ive 2027 valjâluvâttâlmân puáhtá tevdiđ šleđgâlávt tâi printtiđ pdf-luámáttâhhân. Uuccâmluámáttuv kalga tevdiđ já toimâttiđ valjâlävdikode toimâttâhân tienuuvt, ete tot lii vuástáväldest majemustáá 30.9.2026.

Šleđgâlâš luámáttâh kalga leđe šleđgâlávt vuáláčallum majemustáá meripeeivi tme 23.59. Pááppárluámáttâh kalga leđe toimâttum valjâlävdikode toimâttâhân tâi Saijoos vyeliaula postâloován majemustáá meripeeivi tme 16.15, kuás toimâttâh mana kiddâ. Huámmáš taat eromâšávt ko vuolgâttah luámáttuv poostâ peht.

Uuccâmluámáttuvâst koijâduvvojeh ucâlum ulmuu ohtâvuotâtiäđuh, ana-uv sun jieijâs sämmilâžžân sehe vuáđustâlmeh valjâluvâttâlmân lasettem iävttoid.

Jis šleđgâlii luámáttuv lahtostiätuvuárhái tooimâtmist láá čuolmah, vääldi ohtâvuođâ valjâlävdikode toimâttâhân. Tun puávtáh toimâttiđ taid torvopoostâ peht tâi pááppárversion.

Tun jieh taarbâš tevdiđ uđđâ uuccâmluámáttuv, jis tun lah lamaš merkkejum valjâluvâttâlmân ive 2024 sämitiggevaaljâin. Tun valduuh talle valjâluvâttâlmân ucâmušttáá, jis tun tiävdáh vyeimist orroo laavâst asâttum iävtuid valjâluvâttâlmân merkkiimist. Valjâlävdikodde pivdá tust lasetiäđu, jis lii tárbu.

Valjâluvâttâlmist tun puávtáh haalijddijnâd vyelgiđ meddâl almootmáin valjâlävdikoodán, ete tun jieh innig haalijd leđe merkkejum valjâluvâttâlmân.