Ooccâmlomaakk eeʹjj 2027 sääʹmteʹǧǧvaali vaal-loǥstõʹǩǩe lie õlmstõttum sääʹmteʹǧǧvaali neʹttseeidain
Lomaakk lie vuäǯǯamnalla tâʹvvsääʹm- aanarsääʹm-, nuõrttsääʹm- da lääʹddǩiõʹlle.
Sääʹmteʹǧǧvaali eeʹjj 2027 vaal-loǥstõʹǩǩe ooccmõõžž kuõskki vuäʹppõõzz da lomaakk käunnʼje ååʹn sääʹmteʹǧǧvaali neʹttseeidain addrõõzzâst vaalit.samediggi.fi/vaal/. Lomaakk lie vuäǯǯamnalla nuʹtt liâđǥlaž ko še priʹnttjemnallšem lomakkân tâʹvvsääʹm- aanarsääʹm-, nuõrttsääʹm- da lääʹddǩiõʹlle.
Eeʹjj 2027 sääʹmteʹǧǧvaali vaal-loǥstõʹǩǩe ooʒʒõõttmõõžž mieʹrräiʹǧǧ poott 30.9.2026. Ooccmõš âlgg leeʹd tååimtum vaal-luʹvddkååʹdd konttra mââimõsân mieʹrrpeeiʹv čiâss 23.59.
Vaal-luʹvddkååʹdd koontâr vuäʹppast taarb mieʹldd vaal-loǥstõʹǩǩe ooʒʒõõttmõʹšše õhttneei kõõččmõõžžin.
Lââʹssteâđ:
vaal-luʹvddkååʹdd koontâr
vaalit@samediggi.fi
Lisää ajankohtaisia artikkeleita
Sääʹmteʹǧǧvaali ođđ neʹttseeid lie õlmstõttum
Sääʹmteeʹǧǧ vaalid lie ääʹvuum jiijjâz neʹttseeid. Seeidain kaaunak vuâđđteâđaid sääʹmteʹǧǧvaalin da mõõntõõllâm vuäʹppõõzzid nuʹtt võboršiiʹǩǩid ko še jiõnsteeʹjid.
Read more
Vaal-luʹvddkååʹdd koontâr lij ǩidd 29.6.–10.7 kõskksaž ääiʹj
Sääʹmteeʹǧǧ vaal-luʹvddkååʹdd koontâr lij ǩidd 29.6.–10.7.2026 kõskksaž ääiʹj. Vaal-luʹvddkååʹdd koontâr ävvan eʹpet vuõssaarǥ 13.7.2026.
Read more